បង្រ្កាបករណីគ្រឿងញៀន ១ករណី ឃាត់ខ្លួនមុខសញ្ញា ៤នាក់ នៅក្រុងបាត់ដំបង
(បាត់ដំបង) ៖ កាលពីថ្ងៃទី៨ ខែមករា ឆ្នាំ២០២៤ វេលាម៉ោង ១៥ ៖ ១០ នាទី ដោយអនុវត្តតាមយោបល់ដឹកនាំរបស់ លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរង ផែនការងារប្រឆាំងគ្រឿងញៀន លោវរសេនីយ៍ទោ ប៉ាន ចាន់រិទ្ធ នាយការិយាល័យនគរបាលប្រឆាំងគ្រឿងញៀន បានដឹកនាំកម្លាំងក្នុងការិយាល័យធ្វើការបង្រ្កាបករណីជួញដូរដោយខុសច្បាប់នូវសារធាតុញៀន ចំនួន ០១ ករណី នៅចំណុចសង្កាត់ចំការសំរោង ក្រុងបាត់ដំបង ខេត្តបាត់ដំបង ក្នុងនោះបង្រ្កាបឃាត់ខ្លួនមនុស្ស ចំនួន ០៤ នាក់ ក្នុងបទល្មើសជាក់ស្តែងគឺ៖
១-ឈ្មោះ ស្រីរិទ្ធ រ៉េនូ ភេទប្រុស អាយុ ១៨ ឆ្នាំ រស់នៅភូមិកំពង់សំបួរ ឃុំសំរោងក្នុង ស្រុកឯកភ្នំ ខេត្តបាត់ដំបង ។
២-ឈ្មោះ ជា ស៊ុនលី ភេទប្រុស អាយុ ១៩ ឆ្នាំ រស់នៅភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង ។
៣-ឈ្មោះ សេង ឆេង ភេទប្រុស អាយុ ១៩ ឆ្នាំ រស់នៅភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង ។
៤-ឈ្មោះ ស៊ីវ ស៊ីធីន ភេទប្រុស អាយុ ២២ ឆ្នាំ រស់នៅភូមិជ្រៃកោង សង្កាត់ចំការសំរោង ក្រុងបាត់ដំបង ខេត្តបាត់ដំបង ។
សត្ថកិច្ចចាប់យកវត្ថុតាងរួមមាន៖
-ថ្នាំញៀនប្រភេទមេតំហ្វេតាមីន ម៉ាទឹកកក ICE ចំនួន ០៣ ថង់ ទម្ងន់ ៨,៤៦ក្រាម(ទាំងសំបក)
-ទូរសព្ទដៃ ចំនួន ០៣ គ្រឿង(ចាស់)
ពេលនេះសមត្ថកិច្ចកសាងសំណុំរឿងបញ្ជូនទៅសាលាដំបូងខេត្តបាត់ដំបង អនុវត្តទោសតាមផ្លូវច្បាប់ ៕
No comments:
Post a Comment